Bandarískir vísindamenn hjá NASA hafa notað gervihnetti til að komast að því nákvæmlega hversu mikið heimshöfin hafa hækkað undanfarin ár. Ég hefði nú bara stungið spýtu í einhverja fjöruna og krotað svo bara á hana frá ári til árs. Það hefði verið miklu hagkvæmara. Ruglið í þessum vísindamönnum. T.d. vinnur kærasta mín við að lækna helsjúkar merar í stað þess að skjóta þær eins og allt skynsamlegt fólk myndi gera.
Meðaltalshækkun sjávar nemur sem sagt þremur millimetrum á ári frá 1993 til 2005. Það er helmingi meiri hækkun en meðaltal liðinna fimmtíu ára. Einn doktorinn hjá NASA segir að bráðnun Grænlandsjökuls, vestanverðs Suðurskautslands og jökla á fjöllum uppi eigi stærstan þátt í þessari aukningu.